17 mars 2008

Raunir raungreina

Þetta er uggvænlegt. Það sem er einnig allrar athygli vert eru tengslin milli árangurs grunnskólanemenda í raungreinum og umhverfisvitundar. Í síðustu PISA könnun kom í ljós að umhverfisvitund íslenskra ungmenna er ein sú daprasta í Evrópu.

Því sterkari umhverfisvitund - því betri árangur ungmenna í náttúrufræðum. Af því má leiða líkum að fleiri mennti sig í fræðunum og að áhuginn aukist almennt.

Þetta eru mikilvægar upplýsingar fyrir orkufyrirtæki í eigu almennings. Þau gætu til dæmis beitt sér af miklum krafti fyrir stórsókn í náttúrufræðakennslu í samvinnu við skólana í sínu umdæmi og tekið þátt í að styrkja umhverfisvitund ungra og gamalla. Ekki síður er mikilvægt fyrir slík fyrirtæki að lokka ungt fólk til þess að mennta sig í raungreinum, í raun og veru er það lífsspursmál fyrir þessi fyrirtæki í framtíðinni.

Mér dettur sisvona í hug tiltekið orkufyrirtæki í Reykjavík sem þarf sárlega á jákvæðu og uppbyggilegu verkefni að halda til að flikka upp á ímynd sína.

En ég nefni engin nöfn.

1 ummæli:

Vigfús sagði...

Svo er þetta mjög fámennur hópur sem uppfyllir skilyrðin sem þeir eru að leita að.

Svipað t.d. og að allt í einu uppgötvaðist að augnlæknar réðu yfir mikilsverðri útrásarþekkingu og um leið væri farið að bölsóttast yfir því að ekki væri til nægt heilbrigðismenntað fólk í landinu.